Në ambientet e qendrës “Ten”, Bashkia e Tiranës, me iniciativën e
kryetarit të saj z. Lulzim Basha, ka krijuar Polin Artistik të Tiranës duke ftuar të rinjtë e kryeqytetit të shfrytëzojnë këtë mundësi
që u ofrohet falas nga Bashkia për të promovuar talentin e tyre.
Poli Artistik është në radhë të parë një infrastrukturë e vënë në
dispozicion të artistëve të rinj dhe artistëve në tërësi të Tiranës, falas. Përmes këtij Poli, synohet stimulimi, nxitja dhe përkrahja e
profesionistëve, të rinjve, artistë të sapo diplomuar dhe krijimin e
një komuniteti artistik të qëndrueshëm, mbi bazën e ndërveprimit,
ndërmjet disiplinave të ndryshme artistike, ndërthurjes së ideve
dhe projekteve. Poli Artistik i Tiranës do të jetë urë lidhëse me punëdhënës, si brenda ashtu dhe jashtë vendit, si në mënyrë direkte ashtu dhe nëpërmjet koproduksioneve. Poli Artistik i Tiranës ka vënë në dispozicion brenda strukturës së tij:
• Galeri, foto e hapur në permanencë
• Infrastrukturë për projeksione filmash me metrazh të shkurtër
• Studio regjistrimi audio dhe video
• Studio produksioni multimedia
• Krijimin e labelit muzikor “Prom-Art”
• Stacioni Radio, ideuar, drejtuar dhe menaxhuar nga vetë komuniteti i artistëvetë rinj.
Për të rinjtë dhe artistët, kjo iniciativë është një mundësi e madhe për stimulimin dhe nxitjen e artit dhe kulturës në kryeqytet.
Ky Pol përbën gjithashtu edhe një mundësi që të vizitohet e të
frekuentohet dhe nga vizitorët dhe turistët e huaj, të cilët vijnë
në Tiranë.
Qendra “Ten” ndodhet në Rrugën “Myslym Shyri” tek ish kinema “Dajti”.