Të shtunën, më 18 janar, ora 19:00 do të jetë edhe koncerti përmbyllës i festivalit “Pianodrom” i titulluar “Portret Artisti”.
Ky është koncert me pjesëmarrjen e pianistes Anita Tartari, Artiste e
Merituar & pianistes të ftuar Ana Kaçinari. Gjithashtu do të ketë video
projeksion nga aktiviteti i Anita Tartarit (15’) & promovim i 2 CD’ve të saj.
Në program e koncertit janë : Harapi: Album me 6 Miniatura, Chopin: Valse op. 69 (nr.1,2), Listz: Consolation nr. 3, Chopin: Nocturne në Do diezis minor, Peçi: 2 Albanian Folkdances / Barokjare & Vals i Drondafilleve (premierë botërore),Kushta: 2 Pjesë nga cikli
‘’Refleksione’’, Peçi: Cartesius Cantus no. 10, Peçi: ‘Kecat’ nga baleti Kecat dhe Ujku (duo piano), Dvorak: 3 Valle Sllave (duo piano).
Karriera e Anita Tartarit, tashmë ka mbushur plot 60 vjet. Është një prej themelueseve të shkollës pianistike shqiptare, si dhe një redaktore e kujdesshme dhe e apasionuar e pjesës më të madhe të veprave më të rëndësishme të kompozitorëve shqiptarë, interpretuesja e pare e shume veprave te kompozitoreve shqiptare si dhe redaktuese e veprave më të rëndësishme pianistike. Ajo numëron qindra koncerte recitale, muzikë dhome, koncert maester, etj.