Në galerinë “Miza” është çelur ekspozita “Çentro estetike” nga Ledia
Kostandini, kuratore është Eriola Pira.
Ledia Kostandini do ta mbyllë vitin 2013 në Miza Galeri. Jo më në studio, siç ndodhi në fund vitin 2012. Ç'u ngjiz gjatë këtij viti ka
marrë formë, personalitet, dhe kërkon vëmendje dhe vlerësim.
Okazioni i këtij fund viti vjen si një ofertë për të ri-dimensionuar, ri-përkufizuar dhe ri-prezantuar veten, pamjen, shikimin, mendimin dhe qasjen tonë ndaj së përditshmes dhe çka na rrethon. Plot energji dhe intensitet, me një humor herë të çiltër dhe herë-herë grotesk,
Ledia i trajton sendet duke iu shndërruar funksionin, kuptimin dhe vlerën, duke iu shtuar elemente e objekte të tjera përbërëse, jo shumë ndryshe nga çka rëndom ndodh nëpër sallone bukurie, nëpër palestra, apo nën thikën e kirurgut plastik. Objektet dhe instalacionet tek Miza janë në vazhdën e Surrealistëve të fillim shekullit XX, trashëgimia e Duchamp në shekullin XXI, në një
kontekst post-industrial të prodhimtarisë dhe konsumit global, ku kritika nga lëvdata për këtë rend politik, ekonomik e kulturor, nuk
dallojnë shumë nga njëra tjetra, në mos, janë e njëjta gjë.
Ekspozita do të qëndrojë e çelur deri më 23 janar 2014.