Qendra Kombëtare e Kulturës për Fëmijë dhe Teatri i Kukullave
me rastin e Festave të fund vitit në datë 26 dhjetor, ora 18.00 në sallën e Teatrit Kombëtar organizon një mbrëmje të madhe Gala. Personazhet më të dashura për fëmijët si Pinoku, Maçoku me çizme, Piter Pan, Pipi çorapegjata, Paperino,etj, të realizuara me profesionalizëm nga aktorëte Teatrit të Kukullave, ndërthuren me fëmijët balerinë, këngëtarë dhe aktorë të QKKF. Atmosfera, humori, këngët, kërcimet dhe akrobatët e mrekullueshëm të cirkut do ta bëjnë këtë mbrëmje për fëmijët një natë të paharrueshme.
Ardhja e Babagjyshit të Vitit të Ri për fëmijët nuk do të jetë thjesht
simbolike, ai do të sjellë për çdo fëmijë në sallë dhurata, kartolina si
dhe shumë surpriza të tjera. Kjo mbrëmje nuk do të mbetet vetëm
në kornizat e skenës së Teatrit Kombëtar. Jashtë ambienteve të
Teatrit Kombëtar do të vendoset një monitor i madh që do mundësojë shfaqjen e të gjithë koncertit festiv, të kësaj mbrëmjeje ku fëmijë e prindër të cilët nuk do të mund të hyjnë në Teatrin Kombëtar të kenë mundësinë ta ndjekin atë nga jashtë dhe fëmijët
të argëtohen në lodrat e vendosura enkas për atë mbrëmje.
Në këtë eveniment do të jenë prezent fëmijët jetimë të shtëpisë
“Zyber Hallulli”, fëmijët e shtruar në pediatri në pavijonin e Onkologjikut, fëmijët e policëve të rënë në krye të detyrës si dhe fëmijët e Forcave Paqeruajtëse të dërguara me mision.