Në ambientet e Tirana Ekspres është çelur ekspozita fotografike “Shtatë”. Kjo është një ekspozitë me foto që pasqyrojnë realitetin e grave apo të qënurit grua në Shqipëri. Më shumë se 30 fotografë ju përgjigjën thirrjes për të marrë pjesë në konkursin e fotografisë të quajtur “Shtatë” dhe 15 prej tyre u përzgjodhën për të qenë
pjesë e kësaj ekspozite. Këto foto u ekspozuan për herë të parë gjatë performancës së shfaqjes “Shtatë” në Tiranë, në 8 nëntor 2013. Ekspozita nuk pretendon të portretizojë të gjithë shumëllojshmërinë e realiteteve të grave në Shqipëri, ajo është thjesht një koleksion modest i disa prej këtyre realiteteve. Në ceremoninë e hapjes do të ndahen çmimet për 3 fotot më të mira.
Ekspozita është pjesë e nismës së Seven on Tour dhe organizohet nga Qendra për Nisma Ligjore Qytetare, Ambasada Suedeze në Tiranë, Civil Rights Defenders dhe Hedda Production AB me mbështetjen e Institutit Suedez - “SHTATË” është një
shfaqje dokumentare inovative e bazuar në intervistat me shtatë gra aktiviste të drejtave të njeriut nga e gjithë bota, përpjekjet dhe historitë e vështira jetësore të cilave janë burim frymëzimi.
Ekspozita do të qëndrojë e hapur deri më 26 dhjetor.
Tirana Ekspres ndodhet në
Rr. “Karl Gega”, Magazinat e Trenit, Tiranë.
Për më tepër kontaktoni:
Cel.: +355 69 67 30 402
E-mail: info@tiranaekspres.com;
Web: www.tiranaekspres.com