Cirku Kombëtar do të shfaqë çdo të shtunë dhe të diel duke filluar nga 23 nëntori premierën e re " Për ju ....... gjithçka", në orën 11:00.
Kjo shfaqje realizohet me pjesëmarrjen e trupës së artistëve të
Cirkut Kombëtar si dhe me pjesëmarrjen e fëmijëve të Studios së
cirkut. Udhëheqëse artistike është Alketa Haxhiu dhe prezanton
shfaqjen Pranvera Sallata.
Numrat janë të shumëllojshëm si:
•Tablo litari- studio e cirkut nën drejtimin e mjeshtrit Agron Muho.
•Trapezi- Daniela Daci.
•Topat-Gerald Shima, Ibrahim Selishta, Mauro Cani, Flori Shima.
•Prestigjatori- Klaudja&Era Duro.
•Bambuja- Rubin Zuna, Brunilda Koka,Armela Bushgjokaj.
•Pantomima e karriges - Uljan Xhani, Bledian Balla.
•Ulahop- Loredana.
•Teli i lire- Altin Maka, Haki Farka.
•Kubat- Brunilda Koka.
•Pedana- Ali Juca, Uljan Xhani.
•Koreografi- Studio e cirkut.
•Performancë me zjarr.
Për të qenë artist cirku duhet te stërvitësh që në fëmijëri dhe praktikisht kalon shumë vite pune dhe përkushtimi, sigurisht për
qëllimin e vetëm që të mbash gjithmonë afër publikun.. Prandaj u mendua që shfaqja të ketë performanca të gjitha grup moshave dhe zhanreve sigurisht në shkallë të lartë vështirësie dhe cilësie në të cilat publiku mund të marrë emocione të shumta.
E veçanta e kësaj premiere janë fëmijët nga mosha 5-7 vjeçare të cilët nuk kanë më shumë se tre muaj që frekuentojnë cirkun dhe performojnë një numër me ushtrime akrobatike të ndërthurur me
një koreografi. Gjithashtu në shfaqje mbyllja do të jetë me një performancë me zjarr ku shumë artistë shfaqin aftësitë e tyre sigurisht me vegla të ndryshme si: flakë me shishe, me zinxhirë,
flakë me gojë, me rrathë etj. Pra do të ndizet arena.