Federata Shqiptare e Aeronautikës, në bashkëpunim me federatën Aeronautike të Kosovës do të zhvillojnë Kampionatin e Tretë Kombëtar Shqiptar në fluturime të lira Paragliding, i cili mbahet në 6 etapa nga gushti deri në maj 2014.
Etapa e parë u mbajt nga data 16 gusht deri në datën 18 gusht në qytetin e Korçës. Kjo etapë ishte garë largësie.
Kampionati vijon në datat 13-15 shtator në Gostivar të Maqedonisë
me garat e precizonit. Të njëjtat gara do të zhvillohen edhe në Mitrovicë të Kosovës në datat 25-27 tetor.
Etapa e katërt e këtij kampionati do të mbahet në Gjirokastër në
datat 14-16 mars 2014, ku do të zhvillohen gara të precizonit dhe
largësisë.
Në datat 4-6 prill 2014 në Prizren të Kosovës do të zhvillohen përsëri gara të largësisë.
Kampionati mbyllet në Vlorë, ku në datat 7-10 maj 2014, do të
zhvillohet Albania Open.