Kjo teqe, e ndodhur në Rrugën e Barrikadave, është shpallur
monument kulture i kategorisë së parë që në vitin 1963.
Mendohet se faza e parë e ndërtimit i përket fundit të shekullit
XVIII apo fillimit të shekullit XIX. Në hapësirën e truallit përpara
shtrihej tyrbja (varri monumental i Shehut) themelues i teqesë dhe i
pasuesve të tij. Kjo teqe ka pësuar dy rindërtime, të parin në vitin 1964 dhe të dytin 20 vjet më pas. Teqja e Sheh Dyrrit ka ruajtur në thelbin e saj kompozicional tiparet themelore të tipit të banesës tiranase.