Teatri Kombëtar në 24 nëntor dhe 1 dhjetor, ora 19:00, shfaq dramën "Me dyer te mbyllura" nga J.P Sartre me regji të Eni Janit.
Eni Jani prezantohet për herë të parë para publikut si regjisore, duke ngjitur në skenën e Teatrit Kombëtar dramën ekzistencialiste, “Me dyer të mbyllura” të Zhan Pol Sartre. Aktorët që do të
interpretojnë janë: Adriana Tolka, Laura Nezha, Neritan Liçaj dhe Genci Fuga. “Vepra e Sartrit supozon si vend veprimi ferrin. Janë tre personazhe që takohen në ferr pas vdekjes dhe janë personazhe shumë kompleksë. “Me dyer të mbyllura” është vepra ku Jean-Paul Sartre doli me shprehjen e famshme dhe shumë të diskutuar:
“Ferri janë të tjerët”. Tre shpirtrat e mallkuar, Garcin, Ines, dhe Estelle i kanë sjellë në të njëjtën dhomë në ferr nga një shërbëtor misterioz. Ata të gjithë presin tortura të tmerrshme për t’u ndëshkuar në përjetësi, por ndërkohë gjejnë një dhomë të modeluar në stilin e perandorisë franceze.
Ndërsa në datat 22, 23 dhe 29 30 nëntor, ora 19:00, do të shfaqet tragjedia e Sofokliut “Edipi Mbret”. Kjo shfaqje vjen si ngacmim artistik si dhe perceptim i asaj që ndodh sot nëpërmjet tekstit në zbërthimin e situatave dhe karaktereve. Edipi, ky mbret, i cili që kur është lindur është i destinuar të vrasë babanë dhe të martohet me të ëmën duke lindur fëmijë nga nëna që është lindur vete ai. Jokastra duke dashur ta ndalojë këtë ngjarje makabre, ia jep foshnjën Edip një bariu për ta vrarë. Por ai nuk mundet ta vrasë.
Edipi rritet dhe merr vesh që prindërit që e kishin rritur nuk janë prindërit e tij. Me një skenografi të pastër, ku element kryesor është dielli, daullet si objekt që përdoren nga vetë aktorët nëpërmjet
ritmeve dhe këngëve si zbërthime emocionale dhe artistike. Daullet zbresin nga lart si një lidhje midis qiellit dhe tokës, perëndisë dhe njeriut të kësaj marrëdhënie sa mitologjike dhe verbësisë kolektive si element përcjellës i njerëzimit në çdo kohe.
Interpretojnë : Edipi mbret – Helidon Fino, Jokastra – Yllka Mujo,
Kreon – Neritan Liçaj, Korifeu – Ema Andrea, Tiresia- Olta Dako,
Lajmëtari – Ervin Bejleri, Bariu- Lulzim Zeqja si dhe kori i përbërë
nga : Eftiola Lacka, Florant Veizi, Roel Llupa, Amos Zaharia, Anila
Muca, Florian Agalliu, Adriana Tolka.
Pjesa është përkthyer nga Enrik Lacaj, kompozitor Trimor Dhomi,
skenografia është e Petrit Bakallit dhe kostumet të Vesa Krajës.
Për më tepër kontaktoni në
tel : +355 4 222 30 22