Në sallën “Shekspir” të Teatrit të Metropolit, në datat 22, 23, 24, 29, 30 nëntor dhe 1 dhjetor, ora 19:00, do të shfaqet komedia e zezë “Tri mendje në ankand”.
Autor i pjesës është Ferdinand Hysi dhe regjia e Elma Doresit, me skenografi të Beqo Nanajt. Drejtore artistike është Suela Konjari dhe kostumografe Edlira Qyshka.
Interpretojnë aktorët : Klodian Hoxha, Devis Muka, Alban Musa, Lorenc Kaja, Elona Hyseni e Dori Caushi.
Ngjarjet zhvillohen në psikiatri. Ata kanë një problem:
Të mbyllin vrimat e çatisë e cila pikon çdo ditë e më shumë. I pari
është aktori, i dyti historiani, i treti fizikanti, e katërta është Popi, e
pesta është mikja dhe armikja e tyre infermieria dhe amerikani, i cili ka një zgjidhje. Skenat janë sa komike po aq edhe tragjike. Çdo vrimë e kësaj psikiatrie personifikon një hall të çdo personazhi.