Bashkia e Tiranës ka hapur në Qendrën multifunksionale “Ten”
ekspozitën fotografike të titulluar “Momentet nga Lufta për Çlirimin
e Tiranës”. Nëpërmjet 30 fotografive tregohet periudha midis dy luftërave botërore, ditët e luftimeve për çlirimin e Tiranës si dhe periudha menjëherë pas saj. Është interesant që të gjithë qytetarët
e Tiranës, të vizitojnë jo vetëm galerinë fotografike, por edhe të shohin një dokumentar për historikun e Tiranës i titulluar “Tirana, atje ku preken ëndrrat”, i cili po shfaqet për të gjithë vizitorët
këto ditë. Si ekspozita ashtu dhe dokumentari iu shërbejnë të gjithë qytetarëve dhe sidomos të rinjve për të njohur më shume historikun
e kryeqytetit. Qendra multifunksionale “Ten”, për të gjithë vizitorët do ta mbajë të hapur ekspozitën dhe do shfaqë filma dokumentarë, deri në fund të nëntorit.
Orari i saj është: Çdo ditë nga ora 8:00 deri në orën 19:00.
Hyrja është e lirë/falas.
Qendra “Ten” ndodhet në Rrugën “Myslym Shyri” tek ish kinema “Dajti”.