Ka përfunduar tashmë faza e parë e konkursit të pikturës bashkëkohore në Shqipëri “Live Art”, ku prej 142 pikturave
të paraqitura janë përzgjedhur vetëm 26 finaliste.
Ndërsa faza e dytë e konkurrimit u mbyll më 20 shtator 2013, kur sipas të dhënave të faqes në internet të konkursit hapet edhe ekspozita e parë në Tiranë, gjatë të cilës do të bëhet dhe shpallja e 3 çmimeve të mëdha. Në periudhën shtator-nëntor veprat finaliste të pjesëmarrësve të konkursit “Live Art”, që janë artistë shqiptarë amatorë apo profesionistë të moshës 18-35 vjeç, do të ekspozohen falas në pesë ekspozita të planifikuara të çelen me këtë rast në Tiranë, Korçë, Vlorë, Shkodër dhe Durrës.
Kurator i këtij projekti dhe njëherësh kryetar i jurisë është Artan Shabani, një artist i njohur shqiptar, kritik dhe konsulent arti në galeri e projekte të ndryshme brenda e jashtë Shqipërisë.
Për më tepër informacion rreth konkursit vizitoni: www.liveart.al