Ditën e mërkurë, më 27 nëntor, ora 19:00, në sallën e Universitetit
të Arteve, në kuadrin e festivalit pianistik “Pianodrom” do të jepet
koncerti recital i pianistit italian Francesco Prode.
Recitali titullohet “ Musica di Ieri, di Oggi e di Domani”.
Në program përfshihen : György Ligeti: Musica Ricercata; Ivan Fedele: Studi Boreali; Karlheinz Stockhausen: Klavierstucke IX dhe Aleksandër Peçi: Cartesius Cantus nr.4 & Valle mbi xham (nga cikli 32 Albanian Folkdances).
Francesco Prode ka lindur në Romë në vitin 1969 dhe ka filluar të studiojë piano që në moshën 9 vjeçare. Repertori i tij shtrihet që
nga Bach e deri tek Ravel, Berio, Furrer, Haas, etj. Në programet
dhe koncertet e tij Prode kombinon autorë të traditës klasike me
autorët bashkëkohorë. Kritika e vlerëson atë si fenomen, si pianist të madh me një teknikë të shkëlqyer dhe virtuoze.