Ditën e mërkurë, më 27 nëntor, ora 19:00, në ambientet e Tirana
Ekspres vjen komedia "Të gjithë me huqe" e autorit francez Laurent Baffie. Regjisor i shfaqjes është Gjergj Mena.
Interpretojnë aktorët e rinj: Ismail Shino, Blerta Papadhima, Gjergji Mena, Deljana Topulli, Xhino Musollari, Klaudia Brakollari.
Ngjarja zhvillohet në një klinikë terapish psikiatrike, doktori është maskuar si një pacient dhe zhvillon kurimin e tij pa e kuptuar pacientët që ai është doktori. Shfaqja ka në qendër të saj 5
karaktere shumë të spikatur nga ana dramaturgjike ku secili prej tyre vuan nga një sindrome (huq) e veçante .
Fredi(dr)- "vuan" nga sindroma e fjalëve të pista. Vensoni vuan nga sindroma e të bërit pa fund llogari me shifra. Maria bën kryqin pa pushim dhe ka mani për të kontrolluar çanten. Bobi është i fiksuar pas simetrise dhe nuk shkel dot në dysheme. Lili ka maninë për
të thene çdo gjë dy herë. Mes ketyre problematikave dalin në pah situata brilante, të nevojës njerëzore për të gjetur shpëtim, në luften e brendëshme që ka njeriu për të deklaruar të tjerët ashtu siç është në të vërtetë.