“Ada” është premiera e parë shqiptare e filmit artistik me metrazh
të gjatë, që pritet të vijë në ekranin e kinemasë për publikun.
Filmi do të jetë përshëndetës në natën e parë të TIFF, por si premierë për publikun do të fillojë me datë 1 nëntor e duke vazhduar deri më 10 nëntor në ekranin e kinema Millennium.
Filmi vjen me regji të Spartak Pecanit dhe skenar të Matt Maude, bazuar në romanin e shkrimtarit Fatos Kongoli “Te porta e Shën Pjetrit”. Aktorët e filmit janë përzgjedhur mes emrave më të njohur të kinemasë shqiptare dhe asaj të Kosovës. Mes aktorëve përmendim Ndriçim Xhepën, Elvira Diamantin, Enver Petrovcin, Reshat Arbanën, Afrim Muçajn dhe Ilirjana Blakaj, që interpreton dhe personazhin kryesor në film, vajzën me emrin Ada Ndreu, e cila është akuzuar për dy vrasje. Në rrjedhën e filmit të intrigon një
subjekt që zhvillohet mes lojës psikologjike dhe trillerit. Një vajzë e re akuzohet për vrasje të dyfishtë. Duart e saj janë të prangosura dhe hetuesi përpiqet të gjejë arsyet e këtij krimi. Dosja që inspektori ka mbi tryezë ka prova solide; armë në dorë, dhomat bosh, gjak në mur. Gjithë ngjarja zbërthehet brenda asaj dhomë hetuesie.
Dy pyetje duhet të marrin përgjigje. Pse? dhe Si?…
Ky koproduksion shqiptaro-anglezokosovar është mbështetur nga Qendra Kombëtare e Kinematografisë dhe dy kompanitë filmike “Left Eye Blind” dhe “Concordia Pictures”.