Cirku Kombëtar ka filluar sezonin artistik me dy shfaqje që jepen në fund javë. Kështu të shtunave, më 26 tetor dhe 2 nëntor, ora 11:00, do të jepet shfaqja me numra të zgjedhur nga repertori i Cirkut .
Kjo shfaqje hapet me një tabllo nga fëmijët e studios të cirkut dhe
më pas hyn akrobatja Era Duro.
Artistët që interpretojnë janë :
Sabina Troshku- vertikaliste, Era Duro-akrobate, Alush Liljani-zbutës kafshësh i cili sjell një orë mësimi me qentë, Megi Fortuzi –akrobate plastike, Bledian Balla, Haki farka-ekuilibrist, dhe Uljan Xhani.
Të dielave, më 27 tetor dhe 3 nëntor, ora 11:00, do të jepet shfaqja “Jemi edhe ne…”. Kjo shfaqje vjen ndryshe nga e para, ku janë dy personazhe që pretendojnë se mund të jenë artistë cirku po nuk e
dinë shkallën e vështirësisë dhe duan të prezantojnë por dhe të ekzekutojnë. Artistët që interpretojnë janë akrobatet : Daniela Daci, Juxhina Madhi, Loredana Dushku; xhongleristi Gentian Dollaku;
vertikalistja Sabina Troshku; Artan Balla djali i vogël që performon mbi cilindër; motrat Klea dhe Pamela Rexhepi; Ali Jucja; Alush Liljani; Brunilda Demollari; Marian Prendi; Haki Farka; Ibrahim Selishta; Amarildo;XHiveshi dhe Gerald Shima.
Këto shfaqje realizohen nga trupa profesioniste e Cirkut Kombëtar me udhëheqëse artistike Alketa Haxhiun.