Festivali Ndërkombëtar i Filmit i Tiranës (TIFF) do të mbahet në
kryeqytet nga data 23 tetor deri më 31 tetor.
Këtë vit do të konkurrohet në kategoritë e filmit artistik, atij me metrazh të shkurtër, të filmit shqiptar me metrazh të shkurtër si dhe në atë të filmit televiziv me metrazh të shkurtër. Gjatë ditëve të festivalit do të shfaqen filma artistikë, dokumentarë, filma të animuar si dhe ata eksperimentalë. Po kështu në programin e ditëve të këtij
aktiviteti ka edhe seminare dhe punëtori për studentët e talentuar dhe artistët e rinj të kinemasë.
Edicioni i 11-të i TIFF 2013 ofron disa ndryshime shumë të veçanta në
krahasim me vitet e mëparshme. Ai i ka zgjatur ditët e aktiviteteve të tij në nëntë në mënyre që të mundësohet retrospektiva e kinematografisë, klasave, aktiviteteve me shtypin si dhe shfaqjen e filmave në të gjitha kinematë e Tiranës.
Për më tepër informacioni vizitoni: www.tiranafilmfest.com