Teatri i Metropolit shfaq premierën e tragjikomedisë “Konkursi”, në datat 26 dhe 27 tetor, ora 19:00, në sallën “Shekspir”.
Autori i veprës është Aleksandër Galin, regjisori është Kushtrim Bekteshi dhe drejtor Artistik Suela Konjari.
Interpretojnë: Rozi Kostani, Devis Muka, Klodian Hoxha, Ola Harizaj, Vilma Hodo, Genti Decka, Xheni Hallulli, Egzona Ademi, Erjeta Cufaj,
FlorianVeizi, Denis Kurushi.
“Konkursi” trajton një aspekt shumë aktual të realitetit tonë. Është një vepër me temë universale, që flet për periudhën e tranzicionit, ku njerëzit kanë humbur garën me jetën. Një kompani japoneze shpall konkurs për përzgjedhjen e femrave për punë në “show- t me elitare të natës” në Singapor. Meqenëse shpallja nëpër gazeta publikohet gabimisht (pa specifikuar moshën dhe kriteret) në konkurs paraqiten kryesisht gra të martuara të cilat me çdo kusht duan të fitojnë shansin për të ikur jashtë shtetit. Japonezët, për ti hequr qafe, u vënë si kusht lejen me shkrim nga burrat. A do të arrijnë gratë të marrin lejen me shkrim nga burrat e tyre, mbetet ta shikoni në shfaqje. Autori si bosht kryesor të veprës ka vënë konfliktin mes bashkëshortëve, e cila në shfaqje vjen mjaft komike.