Në Galerinë Kombëtare të Arteve në Tiranë është hapur një ekspozitë e skulptorit Henry Moore, një nga artistët më të rëndësishëm britanikë të pas vitit 1900.
Ekspozita do të qëndrojë e hapur deri në datën 23 tetor.
Henry Moore (1898 – 1986) është i famshëm për skulpturat e tij monumentale prej bronzi gjysmë-abstrakte të vendosura nëpër botë si vepra publike arti. Arti i Henry Moore-s përmban diçka nga gruaja e tij Irina Radetsky. Ajo ka qenë një frymëzim i vazhdueshëm, që do ta inspironte gjithnjë edhe atëherë kur trupi i saj të mos ishte më i bukur.
Janë 80 vepra në grafikë dhe 6 skulptura në miniaturë të këtij artisti të ndaluar që do të ekspozohen për publikun shqiptar. Këto vepra janë pjesë e Koleksionit të Këshillit Britanik, të dhuruara nga vetë autori në vitin 1984. Kuratori i ekspozitës së Moore në Tiranë do të jetë David Mitchinson nga Fondacioni i Koleksionit, Henry Moor, një mik i vjetër i
artistit.
Fondacioni “Moore” është në fakt një organizat bamirësie e themeluar nga vetë artisti në vitin 1977, me mision inkurajimin dhe vlerësimin e arteve vizuale e veçanërisht të veprave të Moore.
Para se të vinte në Shqipëri ekspozita ishte shpalosur në Maqedoni dhe në Malin e Zi.