Teatri Kombëtar e hap sezonin e ri artistik në datën 4, 5 dhe 6 tetor, ora 20:00, me rishfaqjen e pjesës së modernizuar të komedisë shekspiriane “Ëndrra e një nate vere”, e cila u shfaq disa herë me sukses gjatë muajit qershor.
Regjisori amerikan John Blondell ka përgatitur me një trupë aktorësh shqiptarë jo komedinë klasike të Shekspirit, por një shfaqje moderne, dinamike ku lëvizjet koreografike janë po aq të rëndësishme sa fjala
e Shekspirit. Ëndrra shekspiriane interpretohet në një situatë kur dy
çifte pritet të celebrohen në Athinën antike. Dy të rinj athinas, Lizandro dhe Demetri, janë të dashuruar me të njëjtën grua, Ermian; kjo e fundit dashuron Lizandrin, ndërsa mikja e saj, Elena është e dashuruar me Demetrin. Por babai i Ermias, Egjeu e detyron të bijën të martohet
me Demetrin. Në rolin e Oberonit dhe Tezeut luan Ervin Bejlerin rolin e Filostratit dhe Pukun e luan aktori Helidon Fino. Klea Konomi do të
interpretojë Hipolita-n dhe Tirania-n, Vasjan Lami, Egjeun etj. Për kostumet dhe skenografinë ka punuar stilisti maqedonas Blagoj Micevski. Muzika është veçanërisht shqiptare dhe është përzgjedhur ajo e kompozitorit kosovar Trimor Dhomi.