Në datat 2 dhe 3 tetor në sallën e Teatrit të Operas dhe Baletit,
ora 19:00, do të zhvillohet Festivali i Këngës Popullore Shqiptare,
edicioni i dytë.
Ky festival është konceptuar për të qenë një festë e vërtetë muzikore
me artistë nga trevat e ndryshme shqiptare. Tashmë janë
përzgjedhur 10 këngetarë të cilët do të jenë pjesë e këtij festivali ku
spikasin disa nga emrat më të njohur të muzikës tonë si - Irma Libohova, Manjola Nallbani, Ylli Baka, Bashkim Alibali, Irini Qirjako, Arif
Vladi, Enkeleda Arifi, Vjollca Luka, Fatmira Brecani dhe Nikolle Nikprelaj.
Çdo këngëtar paraqitet para publikut me 2 këngë, njëra është
këngë e tradites, pra një këngë e njohur popullore, ndërsa tjetra
është këngë e krijuar posaçërsisht për festivalin. Ajo çfarë e bën
ndryshe këtë festival nga shumë të tjerë është fakti se edhe këtë vit
në festival nuk do të ndahen çmime për këngëtarët që marrin pjesë.
Kjo formule është menduar me qëllimin dhe dëshirën që të jetë e
gjitha një festë e muzikës popullore shqiptare, por në të ardhmen
nuk përjashtohet mundësia që të futet dhe elementi i konkurrimit .
Këngëtarët shoqërohen në këtë eveniment muzikor nga Orkestra Sinfonike e RTSH e ndërthurur dhe me elemente të muzikes popullore dhe i gjithë festivali do te jetë i interpretuar live .
Drejtor artistik i festivalit është Edmond Zhulali, skenarist Engjell Ndocaj, skenograf Adnan Kastrati, kurse drejtues i formacionit orkestral është Alfred Kacinari. Dirigjentë janë Jetmir Barbullushi, Oleg Arapi dhe Gridi Kraja .