Ditën e premte, më 4 tetor, në orën 11.00 - 17.00, Qendra e Gjermanishtes organizon në kuadrin e Tetorit Gjerman ditën informative "Studimet dhe kërkimet shkencore në Gjermani".
Kjo ditë informative u ofron mundësinë të gjithë atyre, që dëshirojnë të përgatiten për të studiuar në Gjermani, që të informohen dhe këshillohen në mënyrë individuale dhe të plotë rreth kësaj teme: duke nisur nga informacionet e përgjithshme rreth studimit në Gjermani, praktikave, kurseve dhe provimeve të gjuhës, programeve të bursave
për master dhe PhD deri tek kushtet e pranimit në universitete.
Përfaqësuesit e DAAD (Programit Gjerman për Shkëmbime Akademike) do të informojnë rreth të gjitha pyetjeve lidhur me studimet dhe kërkimet shkencore. Krahas këshillimit individual në
Qendrën e Gjermanishtes do të ofrohen edhe referate rreth temave
të ndryshme.
Hollësi rreth vendit dhe kohës së zhvillimit të tyre mund të gjeni në
faqen e internetit të Tetorit Gjerman: www.tetori-gjerman.com
ose në adresën : www.daad-al.org
Qendra e Gjermanishtes ndodhet në Rr. “Ismail Qemali” Nr.30, Tiranë; ish-Blloku, pranë Piceri “Era”.