Nga data 23 -29 shtator, në Akademinë e Filmit dhe Multimedias “Marubi” në Tiranë, mbahet Festivali i Filmit për të Drejtat e Njeriut në Shqipëri (IHRFFA).
Në këtë festival do të shfaqen 43 filma të përzgjedhur nga e gjithë
bota, dokumentarë, fiksion dhe filma me metrazh të shkurtër, të
cilët përshkruajnë realitetet shoqërore të sotme anembanë globit.
Do të shfaqen disa filma në ditë, do të ketë debate, të ftuar, koncerte.
Edicioni i tetë i këtij festivali synon në veçanti të forcojë ndërgjegjësimin e publikut shqiptar mbi çështjet e dhunës në familje dhe e qasjes së lirë në internet.
Në programin e këtij festivali është edhe shfaqja e një sërë filmash italianë me temë të drejtat e njeriut, të mbështetur nga Instituti i Kulturës Italiane në Tiranë.
Kështu ditën e mërkure, më 25 shtator, ora 16:30, do të shfaqet filmi
“Dreaming Apecar”. Në orën 20:30 të po kësaj dite do të shfaqet një dokumentar i regjisorit italian Antonio Spano me temë Republika Demokratike e Kongos, ku bëhet fjalë se si shoqëria e këtij vendi
për shkak të luftës së gjatë civile të përgjakshme ka humbur identitetin e saj.
Të enjten, më 26 shtator, ora 18:10, producentia Nerina Fiumanò do të
prezantojë para publikut filmin dokumentar “Una su tre” të Claudio Bozzatello. Ky dokumentar i dedikohet temës së dhunës në familje.
Ditën e shtunë, më 28 shtator, do të shfaqet filmi i Flavio Costa, i titulluar ‘Per carita”, i cili ofron një reflektim mbi temën e problemeve rinore dhe të pasigurisë.
Për më shumë klikoni : www.ihrffa.net
Akademia e Filmit dhe Multimedias “Marubi” ndodhet në
Rr. “Aleksandër Moisiu” Nr 78, tel: 00355 (0) 4 2365188/157.
Për më shumë :
në adresën e e-mailit: magali@ihrffa.net; ose magali@afmm.edu.al.