Monodrama e dramaturgut të njohur Stefan Çapaliku me titull “Fausti prej Tirane” do të shfaqet të shtunën, më 21 shtator, ora 19:00, në skenën e Tirana Ekspres.
Regjisor dhe aktor i dramës është Alfred Trebicka.
Vepra trajton dramën që pësoi brezi intelektualëve dhe njerëzit në
përgjithësi pas kthesës së madhe në vitet ’90 dhe deri më sot në Shqipëri. Ajo merr përsipër t’i trajtojë ndryshimet në planin psikologjik, shpirtëror e moral dhe simbolika e Faustit, ashtu si ajo që ka ndodhur
pas viteve 90’ në Shqipëri, ka pikërisht pesimizmin, optimizmin, sepse Fausti i Gëtes ishte mendimtar dhe optimist i madh. Fausti nuk është vetëm një pjellë e Gëtes, një figurë që i takon botës gjermane,
por një fenomen universal, botëror. Ai është kthyer në simbolin e një fenomeni të tërë dhe ka një format universal, ndaj është edhe shqiptar.
Për më shumë informacion vizitoni
https://www.facebook.com/Tirana.Ekspres
Tirana Ekspres ndodhet në Rr. “Karl Gega”