Në datën 2 qershor, në orën 19:00, në galerinë FAP dhe në galerinë Miza do të përurohet edicioni i dytë “Andata dhe Ritorno”, një ekspozitë që përmbledh veprat e disa artistëve të rinj shqiptarë mbi
temën e emigracionit.
Ekspozita, e organizuar nga artistët shqiptar Olson Lamaj, Endri Dani, Remijon Pronja dhe e kuruar nga Stefano Romano, frymezohet nga lëvizja e migrimit drejt Italisë që, sidomos vitet e fundit është
transformuar edhe në kthim drejt vendit nga janë larguar.
Stefano Romano, i cili prej vitesh jeton dhe punon në Shqipëri, është zgjedhur pikërisht si imazhi "urë" mes dy vendeve protagoniste të kësaj lëvizjeje që historikisht lidh dy vendet: piktorë si Idromeno, Kolomi, Nexh Zajmi, Mio, Rota, Ibrahim Kodra, dhe më bashkëkohorët, Adrian Paci dhe kosovari Sislej Xhafa janë të gjithë artistë të cilët e kanë bërë Italinë shtëpinë e tyre të dytë.
Ekspozita do të qëndroje e hapur deri më 9 qershor.