Në datat 2, 3, 4 dhe 5 maj, në orën 20:00, në skenën e Teatrit
Kombëtar në Tiranë ngjitet premiera e re “Skica për dramë, konflikt dhe personazhe” - një performancë e kompanisë teatrore Tirana New Theater në bashkëpunim me Teatrin Kombëtar, e cila do të vazhdojë të shfaqet për tre javë resht në këtë teatër. Kjo është një shfaqje skenike e një standardi ndryshe nga repertori tradicional i teatrit. Shfaqja është e konceptuar kryesisht tek lëvizja, dance theater dhe forma të tjera tradicionale teatrore. Ajo bazohet në disa tema sociale dhe kryesisht temat e emigracionit, largimit, arratisjes, ikjes, revoltës, refuzimit, vdekjes, braktisjes, ëndrrave, pamundësive, boshit, dhe të tjera histori të ngjashme me to. Temat janë përzgjedhur nga disa tekste të ndryshme, këngë, poema, ngjarje konkrete, filma, poezi, video, ngjarje historike dhe politike.
Regjia e pjesës është e Enton Kacas, koreografia e Elton Cefas dhe
Klaudia Zaçes ndërsa art designi i Gentian Shkurtit.
Interpretojnë balerinët: Milena Nurka, Klaudia Zaçe, Sueda Hoxha, Elton Cefa, Ardit Logu, si dhe aktorët Egzona Ademi e Dorjan Ramaliu.