Në datat 27 dhe 28 prill, në orën 20:00, në Teatrin Kombëtar në Tiranë, do të shfaqet drama satirike "Shshsht...ule zërin!” me autor
Pëllumb Kullën dhe regjisor Leka Bungon.
Luajnë aktorët: Robert Ndrenika dhe Viktor Zhusti, si edhe aktorë të tjerë të njohur të trupës së Teatrit Bylis të Fierit.
Skenografia është e Ilir Martinit, muzika e Robert Hoxhës, ndriçimi i Ledion Titës, ndërsa menaxher është Saimir Ahmeti.
Historia zhvillohet në një ambasadë në kohën kur përmbyset sistemi i vjetër komunist dhe ndërrohet stafi i saj. Historia ka të bëjë me korrupsionin, me bindjet politike të atyre viteve dhe mënyrën se si
këto shprehen e përcillen në ambasadë.
Pjesa është e ndërtuar me satirë e sarkazëm. Aktori Robert Ndrenika në këtë pjesë ka rolin e ish- komandantit të një burgu, ndërsa aktori
Viktor Zhusti vjen si zëvendës ambasadori shqiptar në një prej ambasadave të vendeve të Evropës perëndimore.