Në kuadër të aktivitetit "Pranvera e Kulturës Greke në Shqipëri"
organizuar nga Ambasada Greke në Tiranë, më 23 prill, ora 19ºº, në sallën gri të Muzeut Historik Kombëtar hapet ekspozita “Duke pikturuar Greqinë dhe Shqipërinë” e Bujar (Babis) Arizit.
Bujar (Babis) Arizi filloi studimet për Pikturë në Akademinë e Arteve të Tiranës dhe i përfundoi në Itali. Në vitin 1993 ai hapi ekspozitë
personale në Galerinë e Arteve të Tiranës dhe po atë vit shkoi në Greqi, ku hapi ekspozitë personale në Larisa. Që prej asaj kohe jeton ne Athinë ku merret me pikturë si piktor në profesion të lirë. Ka marrë pjesë në shumë ekspozita në grup, ka prezantuar ekspozita
personale në qytetin e Athinës (2001 dhe 2008) dhe në Romë (2007), ndërkohë ka përfaqësuar Greqinë në Ekspozitën
Ndërkombëtare të Artit Bashkëkohor Biennale në Firencë (2011).
Ndër të tjera, është nderuar me çmimin UNESCO në Athinë (2002), është nderuar me çmim në Ekspozitën Kombëtare të Pikturës në Greqi (2002), ka marrë çmimin e dytë në Ekspozitën Kombëtare të
Pikturës në Greqi (2010), çmimin e parë në Ekspozitën Kombëtare të Pikturës në Greqi (2011) dhe çmim për pjesëmarrje në ekspozitën ndërkombëtare të pikturës në Chelsea të New York-ut (2012).
Shumë prej veprave të tij gjenden në institucione të rëndësishme si p.sh. në godinën e Presidencës së Republikës, etj.