Në datat 11, 12, 13 dhe 14 prill, ora 19ºº, Teatri i Operës dhe Baletit, do të shfaqë në kuadër të 60-vjetorit të krijimit: baletin “Historia e
një Kënge” të Enada Hoxhës dhe Gerd Vasos, që në fakt është historia e një vepre brenda historisë së TKOB në Tiranën liberale të viteve 70-të. Ideja e kësaj shfaqje është e Zhani Cikos, libreti i Agron Aliajt (artist i popullit), muzika e Nikolla Zoraqit (artist i popullit),e ftuar e veçantë Vikena Kamenica. Skenografia është e Erald Bakallit, kostumet nga Ardi Asllani, koncertmaestër Edmond Doko. Në këtë shfaqe interpretojnë solistët dhe trupa e baletit si dhe orkestra simfonike e TKOB. Në vepër janë përdorur hite të viteve 70-të nga, The Beatles, Adriano Celentano, Tom Jones, Elvis Presley.