Ditën e hënë, datë 8 prill, në ora 19ºº, në galerinë “Miza” në Tiranë do të hapet ekspozita “Energji e pashfrytëzuar” e fotografit Ergys Zhabjakut. Fotografia e Ergys Zhabjakut karakterizohet nga kërkimi i plasticitetit të gjuhës fotografike. Ajo nga njëra anë eksploron mundësitë shprehëse të fotografisë duke shfaqur shpërfillje ndaj
kapaciteteve teknologjike që ofron ky mjet sot dhe duke theksuar temperamentin individual artistik, ndërkohë që njëkohësisht kërkon të dokumentojë ekzistencën e formave të rezistencës ndaj strukturave urbanizuese, të cilat shfaqen në zonat rurale e suburbane. Imazhet e fiksuara i përkasin një bote pa sisteme
rregullatore ku energjia që mbartin dhe përçojnë qeniet ende është e
pakontrolluar dhe e pashfrytëzuar.
Ekspozita do të qëndrojë e hapur deri më datë 28 prill.
Galeria "MIZA" ndodhet në Rr.” Vaso Pasha”, Pallati 27 afër fakultetit të Drejtësisë), Tiranë.