“Thesari” është një shfaqje tjetër për fëmijë, e cila do të vijë në skenën e Teatrit të Metropolit të dielën, më 31 mars dhe 6 prill, salla “Shekspir”, ora 10³º. “Thesari”, një shfaqje sa edukative aq edhe
argëtuese për grup moshën mbi tre vjeç. Premiera e re, e cila vjen në një stil ndryshe nga të tjerat, me muzikë live, me këngë, lojëra argëtuese, me personazhe reale, është e përqendruar tek ambientalizmi dhe perspektiva. Ngjarjet e pjesës zhvillohen në një pyll, në pranverë. Sikurse çdo bimë nis të çelë, edhe Aldena, kjo vajzë e vogël 12 vjeçare, niset për në pyll, në kërkim të trashëgimisë
që i kish lënë gjyshi, një thesar. Rrugës takohet me shumë kafshë, breshkën, krokodilin, dhelprën, çakallin. Me të bashkohen dhe disa nga kafshët, por ka dhe nga ato që nuk e ndihmojnë. Këtu ndodhin shumë situate komike dhe argëtuese, që ju bën të ditur në fund të gjithë personazheve të pjesës se pylli është thesari i jetës.
Në shfaqje është përdorur një frymë kontemporane, e sjellë për
realitetin ku jetojmë, ku njerëzit (aktorët) të personifikuar në kafshë, ndahen në dy grupe, të mirët dhe të këqinjtë.
Shfaqja, ku interpretojnë aktorët; Klesta Shero, Brunilda Borova,
Rudi Koçibelli etj, zgjat rreth 45 minuta.