Ditën e martë, më 26 Mars, ora 18ºº, deri më 12 Prill (përkatësisht nga ora 14ºº deri 16ºº) në Ambasadën e Republikës Federale të Gjermanisë (Rr. “Skënderbej”, Nr 8, Tiranë) do të hapet ekspozita "Ne duam të jemi njerëz të lirë! Kryengritja popullore e datës
17 qershor 1953 në RDGj”. Në vitin 2013 përkujtohet përvjetori i
60-të i Kryengritjes Popullore në RDGJ-ë, i datës 17 Qershor 1953.
Ekspozita historike e Fondacionit Federal për Trajtimin e Diktaturës së SED hedh dritë që me krijimin e diktaturës së SED, mbi revoltën e parë anti-staliniste të vitit 1953, në Hungarinë e vitit 1956, në Pragë në vitin 1968 duke përfunduar me vitin 1989.
17 Qershori është festuar që nga viti 1954 deri në ribashkimin e Gjermanisë në vitin 1990 si “Dita e Unitetit Gjerman”, festa Kombëtare e Republikës Federale të Gjermanisë.
Ekspozita do të hapet nga Ambasadorja e Republikës Federale të Gjermanisë në Tiranë, Carola Müller-Holtkemper dhe Drejtuesja e Fondacionit Federal për Trajtimin e Diktaturës, Dr. Anna Kaminsky.