Aleanca Franceze në Tiranë organizon në kuadrin e programit “Pranvera e Frankofonisë në Shqipëri” një sërë aktivitetesh.
Më 16 mars, ora 18³º, do të bëhet hapja e këtij programi në ambientet e Teatrit Kombëtar të Komedisë (TKK).
Pastaj, po në ambientet e TKK, do të shfaqet një montazh video nga Marko Vrodoljak “Rrahje zemre nga Zagrebi” dhe më pas do
të projektohen filma të animuar kroatë. Më pas në orën 19³º programi do të vijojë me poezi frankofone, të shoqëruara me muzikë
nën drejtimin e Vasjan Lamit. Poezitë janë të P. Ronsart, A. Lamartine, V. Hygo, A. Rimbaud, S. Mallarme, Ch. Baudelaire, J. Prevert, A. Musset.
Më 17 mars, ditën e diel, ora 19ºº programi vijon po në Teatrin e Komedisë sërish me poezi frankofone, të shoqëruara me muzikë nën drejtimin e Vasjan Lamit. Me poezi të P. Ronsart, A. Lamartine, V. Hygo, A. Rimbaud, S. Mallarme, Ch. Baudelaire, J. Prevert.
Ndërsa më 18 mars, po në TKK në orën 18³º do të hapen dy ekspozita, një ekspozitë fotografie e Greta Lami Dhaskalit “Magjia e Francës, në Fokusin tim”, si dhe një ekspozitë tjetër e fotoreporterit francez Arnaud Brunet. Të dyja ekspozitat do të qëndrojnë të hapura deri më 23 mars. Po në të njëjtën datë në ambientet e liceut “Asim Vokshi” në orën 13³º do të hapet një ekspozitë pikture e titulluar “
10 Fjalët e frankfonisë dhe gastronomi franko-shqiptare”, nga nxënësit e këtij liceu. Ndërsa në orën 18ºº, të po kësaj date, në TKK do të shfaqet një komedi muzikale “Vdekja vishet me të bardha”.
Ditën e martë, më 19 mars, ora 12³º, në ambientet e shkollës “Dora D’Istia” do të shfaqet një spektakël nga nxënësit e kësaj shkolle i titulluar “Jetojmë me frankfoninë. Ambiente franceze dhe spektakël, poezi, muzikë mbi qytetërimin francez”. Kurse në orën 13ºº në TKK do të shfaqet pjesa teatrale, “Një ditë, Princi im do të vijë”. Në orën 17ºº, në Teatrin e Komedisë, me rastin e ditës së frankofonisë nxënësit e klasës VII do të vënë në skenë dy histori të famshme të vëllezërve Grim, “Hirushja” dhe “Borëbardha”. Në orën 19ºº, po në TKK do të hapet një ekspozitë “150 Vjetori i lindjes së Pierre de
Coubertin: jeta dhe puna e një humanisti”. Kjo ekspozitë nëpërmjet materialeve të Komitetit Ndërkombëtar Pierre de Coubertin, risjell jetën dhe punën e themeluesit të Lojrave Olimpike moderne.
Të mërkurën, më 20 mars, ora 12³º, në ambientet e shkollës Edith Durham do të organizohet një spektakël me këngë, poezi, vizatime me temë mbi dhjetë fjalët e frankfonisë. Ndërsa në orën 19³º, në ambientet e TKK, do të jepen dy koncerte me pianistin Pierre Yves Plat dhe dyshen Jazz Claire Huguenin dhe Malcolm Braff. Pierre-Yves
Plat shpërthen kodet e zakonshme të muzikës duke iu përshtatur standarteve klasike të xhazit. Gjatë koncerteve të tij, pianisti nuk
mjaftohet vetëm me interpretim, por ai shpjegon dhe luan me audiencën. Shkathtësia e tij e mahnitshme dhe ritmi e bëjnë sigurisht një nga pianistët më të talentuar të gjeneratës së tij.
Më 21 mars, ditën e enjte, nëambientet e TKK, ora 16ºº, do të ketë një prezantim të dialogëve të vegjël absurdë dhe këngë të
mara nga komedia muzikore “Le Roi Soleil” (Mbreti Diell).
Pastaj do të jetë paraqitja e rezultateve të edicionit të parë
të konkursit të përkthimit letrar “Përkthyesit e Rinj”. Në mbrëmjen e 21 marsit, në orën 20ºº, në Atrium Arena, do të ketë një koncert Rep-Akustike më Edi Casabella. Edi Casabella i përket atij kalibri muzikantësh që me disa akorde i bëjnë notat të fluturojnë dhe të krijojnë botë. Poet i teksteve të tij, ai luan një muzikë që i ngjan. Midis notave mugullon freskia dhe tërbimi i një rinie e cila lufton me botën që e rrethon. I shoqëruar nga video kineasti MorganVoirin, Edi Casabella, me rastin e vizitës së tij në Shqipëri, prezanton për herë të parë albumin e ardhshëm "Avant la Nuit" (Para natës).