Në ambientet e galerisë “Zeta” është hapur ekspozita "Homazh Damien Hirst" nga Lumturi Blloshmi. Natyra tranzitore e jetës ka qenë bazë e frymëzimit për shumë artistë, që prej kohës së
Caravaggio-s e deri tek marria e shndritshme e anglezit Hirst.
Ndërsa tek “Kafka e mbuluar me bocet e cigareve”, si vepra më e re
e Lumturi Blloshmit tregohet se vdekja mund të parandalohet vetëm nëse jemi pak më të kujdesshëm. Është një vepër që në kontekstin e vet shqiptar, me simbolikën e saj shpërthen fuqishëm kundër të
gjithë ndotjeve e mbetjeve. Fundet e cigareve nga gjendja e tyre
e vdekur, si plehra të hedhura nga goja e njeriut, kthehen përsëri në
sipërfaqen e kafkës së atij vetë, duke iu nënshtruar procesit të riciklimit. Në këtë mënyrë ato pushojnë se qeni plehra dhe tanimë zotërojnë një autoritet të plotë, sepse kanë hyrë në një marrëdhënie me kafkën.
Galeria do të jetë e hapur nga e hëna në të shtunë 09³º - 13ºº
dhe 14ºº - 20ºº dhe do të qëndrojë e hapur deri më datë 21 mars.
Galeria "Zeta" ndodhet në “Hekla Center”; Rruga “Abdyl Frashëri”.