Më 16 mars, ora 11:00, në ambientet e bibliotekës të Institutit
Italian të Kulturës në Tiranë, do të bëhet prezantimi i volumit Hadrianopolis II, nën kujdesin e Roberto Pernas dhe Dhimiter
Çondit.
Në vitin 2005, Universiteti i Macerata-s dhe Instituti Arkeologjik
i Tiranës filluan një bashkëpunim shkencor, të mbështetur edhe
nga dy Protokollet e bashkëpunimit të nënshkruar midis dy Instituteve në vitet 2006 dhe 2009. Ky bashkëpunim është bërë efektiv falë realizimit, nën drejtimin e R. Perna dhe Dh. Çondi, të gërmimeve në qytetin romak të Hadrianopolis-t (Sofratikë) si
dhe në komplet luginën e Drinos.
Hadrianopolis është tashmë një sit i ri arkeologjik, pasi deri tani njihej vetëm Teatri, i nxjerrë në dritë gjate gërmimeve të kryera në fillim të viteve '80, përveç nekropolit, i gjetur rastësisht.
Sot, pas shtatë vitesh kërkimi dhe në pritje të publikimit të detajeve të hetimeve stratigrafike, puna, që paraqitet në këtë volum, synon të propozojë një përmbledhje të parë të të dhënave kryesore dhe të
shumta të fituara nga viti 2005 deri në 2010, në mënyrë që të kontribuojë edhe në një botim paraprak i cili do të jetë objekt
ndryshimesh dhe thellimesh për rindërtimin historik të territorit.