Instituti Italian i Kulturës në Tiranë (IIK) do të organizojë gjatë muajit mars, në bashkëpunim me institucione të ndryshme kulturore të kryeqytetit një sërë aktivitetesh artistike-kulturore.
Në ketë kuadër Teatri Kombëtar i Operës dhe Baletit ka planifikuar të shfaq nga data 7-10 mars premierën absolute të baletit Traviata, me muzikë të Giuseppe Verdi-t.
Teatri Kombëtar i Komedisë në bashkëpunim me IIK parashikon të japë në datën 8 mars shfaqen “Fjalët e Ritës”, ku do pasqyrohen kujtimet, përshtypjet dhe pasionet e nobelsites italiane Rita Levi Montalcini-t.
Kurse në datën 16 mars, në ambientet e bibliotekës së IIK do të prezantohet volumi “Hadrianopolis II” me rezultatet e kërkimeve arkeologjike 2005-2010 të kryera qytetin romak të Hadrianopolis-t
(Sofratikë) si dhe në komplet luginën e Drinos.

Kontakt:
Instituti Italian i Kulturës
Rr. Budi 58/3
Tel.: +355 42 379 580
Fax.:+355 42 379 577
E-mail: iictirana@esteri.it