Ditën e shtunë, datë 9 mars, në ambientet e galerisë “Miza”në Tiranë, do të shfaqet, me ftesa, filmi dokumentar
"Artisti është i pranishëm” (The Artist Is Present), i autores me origjinë serbe Marina Abramoviç.
Dokumentari është vlerësuar me shumë çmime ndër të tjera "Berlin Film Festival 2012 - Panorama Audience Award".
Filmi paraqet artisten, të përfshirë nga bindja që gjëja më e vështirë është të bësh diçka që i afrohet asgjësë, ndërsa fokuson shikimin në çdo person që ndodhet përpara saj dhe i dedikohet totalisht për sa
kohë që tjetri do.
Për të prodhuar këtë dokumentar Marina Abramovic ka qenë në
dispozicion të publikut, në një dhomë të madhe bosh të një muzeu, ku ajo ndenji pa lëvizur për gjashtë ditë në javë, disa muaj me radhë, nga hapja deri në mbylljen e dyerve të muzeut, duke ftuar një nga një spektatorët në karrigen përballë saj.
Me datë 10 mars, ora 11:00, 14:00, 16:00 dhe 19:00, ky dokumentari do të projektohet për publikun e gjerë.

Galeria "Miza", Rruga Vaso Pasha, Pallati 27 (afër Fakultetit
te Drejtësisë), Tiranë.