Sipas të dhënave të Institutit Italian të Kulturës në Tiranë, nga data 7-10 mars, ora 19:00, në sallën e Teatrit Kombëtar të Operës dhe Baletit do të shfaqet premiera e baletit“Traviata“, me muzikë të kompozitorit Giuseppe Verdi.
TKOB ofron një riinterpretim koreografik të operave më të famshme të Verdit duke patur si qëllim që të nderojë dymbëdhjetë
interpretueset e Violetës gjatë gjashtëdhjetë viteve të historisë së tij si teatër. Këto interpretuese janë: Tefta Tasho Koço, Marie Kraja,
Gjyzepina Kosturi, Nina Mula, Edit Mihali, Mirela Tafaj, Tatiana Kora, Inva Mula, Mariana Leka, Ermonela Jaho, Eva Golemi, Ramona Tullumani.
Orkestra drejtohet nga maestro Eno Koço, balerinët solistë janë
Enada e Gerd Vaso dhe koreografia është po e tyre, kurse skenografia është e Erald Bakallit dhe kostumet të Ardi Asllanit.
Kjo shfaqje organizohet në bashkëpunim me Institutin Italian të
Kulturës me rastin e 200 vjetorit të lindjes të këtij kompozitori të
shquar.