Në kuadër të vitit Verdian në skenën e TKOB, në datat 7, 8, 9 e 10 mars, ora 19:00, do të shfaqet baleti “Zonja me Kameliet”( La Traviata).
Libreti është i Enada Hoxhës mbështetur në veprën e Aleksandër Dymas dhe me muzikë të Giuseppe Verdit.
Ky balet i është kushtuar interpretueseve shqiptare të rolit të Violeta Vallery të Traviatës gjatë historisë 60-vjeçare të Teatrit Kombëtar të Operës dhe Bale tit.
Kompozitori Ylli Ramzoti ka transpozicionuar veprën vokale të Verdit në balet duke përpunuar partiturën operistike të kompozitorit të madh italian përmes një ndërhyrjeje të kujdesshme për t’ia përshtatur linjat e personazheve vokaliste Në tingëllimin e instrumenteve solistike të ngjyrave të ndryshme.
Skenografia e Erald Bakallit dhe kostumografia e Ardi Asllanit janë inspiruar nga të njëjtat motive.
Orkestra dirigjohet nga Eno Koço.
Në rolet kryesore interpretojnë :
Violeta: Enada Hoxha, Odeta Dishnica; Alfredo: Gerd Vaso, Ervis Nallbani; Germond:Dion Gjinika; Flora: Odeta Dishnica, Ledia Sula, Jonida Onuzi; Barone: Sokol Zhugri; Cigania: Rovena Shqevi; Spanjollja: Greta Hushi; Spanjolli: Mario Thanasi.
Interpretojnë gjithashtu Trupa e Baletit dhe Orkestra Simfonike e TKOB.
Kjo shfaqje organizohet në bashkëpunim me Institutin Italian të Kulturës me rastin e 200 vjetorit të lindjes të kompozitorit të shquar Giuseppe Verdi.