Në Teatrin e Metropolit në datat date 23 dhe 24 shkurt, ora 10:30, do të shfaqet premiera "Në kërkim të thesarit".
Kjo pjesë e re është me regji të Genti Deçkës dhe skenar të
Llukan Xhagjikës. Jemi në prag të pranverës, një djalë i vogël me emër Alden, i cili ka ardhur tek gjyshi, kërkon një thesar nëpërmjet një harte skicë që i ka lënë gjyshi. Gjyshi i tij ka qenë rojtar pylli.
Këtu fillon ngjarja, kështu Aldeni ndihmon një breshkë, e cila i
premton se dhe ajo do ta ndihmojë. Në pyll ka dhe kafshë, të cilat e frenojnë gjetjen e thesarit. Dhelpra kërkon ta gënjejë, krokodili kërkon ta robërojë, ndërsa derrkuci përpiqet për të realizuar planin e këtyre të treve, ti rrëmbejë thesarin. Në fund breshka e ndihmon
djalin që të gjejë thesarin dhe përfundimisht thesari është një
thënie e gjyshit, gdhendur bukur në një dërrasë: “Të mbrojmë
pyllin dhe të ndihmojmë kafshët.”