Në datat 16, 17, 18, 21, 22, 23 dhe 24 shkurt, ora 19:00, në Teatrin e Metropolit, do të shfaqet premiera e komedisë “Dorëzimi” e dramaturgut irlandez McDanagh.
Kjo komedi është pjesa e parë që McDanagh shkruan dhe trajton një
situatë jashtë Irlandës. “Dorëzimi”, e vënë në skenë për herë të parë në Broduei në 2010, është një komedi e zezë, gati - gati horror, por gjithmonë ngelet një komedi. Trajtimi në thelb është racizmi dhe marrëdhënia e munguar shoqërore. Ngjarja zhvillohet në një qytet të vogël, gjithçka ndodh në një dhomë hoteli. Vetëm katër personazhe ngrenë disa pika mjaft të nxehta të shoqërisë dhe instiktit kafshëror të individit. Ata janë katër personazhe që pa e ditur i përkasin
të njëjtës shtresë. Të mbytur në një botëkomplekse dhe instinktesh të ndrydhura, ata janë në kërkim të diçkaje që u mungon.
Këto personazhe jetësohen nga Julian Deda, Gert Ferra, Irgen Cela dhe Niada Saliasi. Kjo shfaqje vjen këtë radhë nëpërmjet një interpretimi realist, i cili është përshtatur për publikun shqiptar.
Shfaqja për shkak të skenave të saj të dhunshme është e kufizuar
për një publik mbi 14 vjeç. Një komedi e kësaj natyre është një ndërthurje e horrorit dhe komedisë. Ky është një zhanër, i cili kohët e fundit ka filluar të ketë sukses në teatrot mbarë botërore.
Komedia është vënë në skenë nga Genti Bejko. Kostumografia
e skenografia janë realizuar nga Endrit Selmani.