Në jubileun e 60 vjetorit të krijimit të TKOB, në datat 16, 17, 19 dhe 20 shkurt, ora 19:00, në sallën e koncerteve të këtij teatri do të
shfaqet opera “Toska” me muzikë të Giacomo Puccinit dhe libret të
Giuseppe Giacosa & Luigi Illica sipas dramës së Victorien Sardou-t.
Kjo opera me tre akte është përgatitur nën regjinë e Nikolin
Gurakuqit, skenat dhe kostumet janë nga Taulant Pustina, kormaester është Dritan Lumshi dhe dirigjent Edmond Dako.
Interpretojnë: në rolin e Toskës Eva Golemi e Marjana Leka, në rolin e Mario Cavaradossit Leonardo Gramegna (i ftuar), në rolin e baronit
Scarpia Ylber Gjini,kurse Sagrestano interpretohet nga Sidrit Bejleri,
Spoletta nga Gilmond Myftari e Erlind Zeraliu, si dhe Sciarrone
nga Luan Sula. Gjithashtu marrin pjesë solistët, kori dhe orkestra simfonike e TKOB si dhe kori i fëmijëve të Liceut Artistik “Jordan Misja” përgatitur nga Irida Bega.