Komedia “14 vjeç dhëndër” e Andon Zako Çajupit do të jepet në datat 12, 13, 19, 20, 25, 26 janar, ora 19:00, në sallën “Shekspir” të Teatrit “Metropol” në Tiranë.
Regjisorja e shfaqjes është Elma Dorezi,
drejtor artistik është Suela Konjari
dhe interpretojnë: Marsela Lena, Klodian Hoxha, Devis Muka, Arjeta Dhima, Lorenc Kaja, Eriona Kakeli, Genti Deçka, Alban Musa, Ajlin Petrela, Aldion Matarangasi, Klaus Laçi.
Regjisorja ka menduar që “14 vjeç dhëndër” ta mbajë në grotesk. Ky zhanër përfshin si interpretimin e roleve ashtu edhe skenografinë dhe kostumografinë. Në shfaqje është bërë një adaptim i tekstit, i bazuar tek Çajupi me të njëjtët personazhe. Nuk do të ketë ndryshim kohe, por ndryshim në strukturë, komstumografi, skenografi e
interpretim. Një nga trajtimet e personazheve është ndryshimi i gjinive jo tek aktorët, por në interpretimin e personazheve, që do të thotë, gratë do të sillen si burra dhe burrat si gra, gjë që vihet re kryesisht tek dyshja jonë kryesore, Tanë dhe Vangjel, apo dhe tek dyshja Gjino- Marigo.