Festivali i këngës së muzikës së lehtë në RTSH këtë vit mbërrin në
edicionin e 51-të të tij.
Janë 26 këngë të muzikës së lehtë që do të konkurrojnë për çmimin e parë të festivalit, duke synuar edhe Festivalin Europian.
Festivali do të zhvillohet për tre net në skenën e Pallatit të Kongreseve në datat 20, 21 dhe 22 dhjetor.
Do të jenë 13 këngëtarë natën e parë dhe 13 për natën e dytë, ndërsa 16 më të mirët mes tyre do të kalojnë në natën finale.
Në dy listat e këngëtarëve që do të këndojnë natën e parë dhe të dytën, vihet re një dominim i artistëve të rinj, ndërkohë që pritet që nga kjo garë të zgjidhet përfaqësuesi i muzikës shqiptare për në Eurosong.
Festivali do të jetë “live”, që nga orkestra dhe banda (60 veta) deri te këngëtarët, të cilët që prej 10 vjetësh deputojnë “live” në këtë festival. Rrymat që do të konkurrojnë në festival janë nga më të
ndryshmet, që nga baladat, roku etj.
Juria e festivalit do të ketë 7 anëtarë, prej të cilëve 4 janë shqiptarë e 3 janë të huaj.