Ditën e hënë, datë 17 dhjetor, ora 20:00, këngëtarja Elina Duni së bashku me kuartetin e saj, në vijim të turneut të saj evropian për të
promovuar albumin e ri “Matanë malit”, ngjitet në skenën e Teatrit Kombëtar të Operës dhe Baletit në Tiranë me një koncert me rastin
e 100 Vjetorit të Pavarësisë.
Kuarteti në fjalë përbëhet nga këngëtarja e xhazit, shqiptarja Elina Duni, pianisti Colin Vallon, kitaristi Patrice Moret dhe bateristi Norbert
Pfamatter. Këngëtarja shqiptare bën një muzikë që i qëndron besnike traditës së Ballkanit duke i shkrirë ato në muzikën xhaz të ngritur mbi bazën e folklorit shqiptar. Duni ka që nga viti 2004 që punon me këngë popullore shqiptare duke i vënë ato në qendër të artit e saj. Lirikat shqiptare sipas saj i këndojnë dashurisë, haresë, nderit, vuajtjeve dhe këmbënguljes, marrëdhënieve të njeriut në tokë dhe vdekjes. Edhe CD-ja e saj e re “Matanë malit” përmban muzikë dhe këngë të tilla si:
Ka një mot; Kjani trima; Kur të kujtosh; Vajzë e valëve; Unë ty moj; Erë pranverore; Çelo Mezani; Ra kambana; Çobankat; Kristal; U rrit vasha; Mine Peza.