Në kuadrin e 100-Vjetorit të Pavarësisë së Shqipërisë në Muzeun
Historik Kombëtar, Shoqëria e Gjeografëve Italianë dhe Instituti Italian i Kulturës, nën kujdesin e Ambasadës së Italisë në Tiranë dhe të Ministrisë së Kulturës, Turizmit, Rinisë dhe Sporteve, falë mbështjes së Ansaldo Energia, dhe promocionit të Shoqatës për Zhvillimin e Turizmit Kulturor - ADCT, kanë hapur ekspozitën fotografike dhe dokumentarin “Portrete dhe Peisazhe të Shqipërisë,
Vështrimi i gjeografëve dhe udhëtarëve italianë mes viteve 800 dhe 900”, nga arkivi fotografik i Shoqërisë së Gjeografëve Italianë.
Ekspozita do të shoqërohet me projeksionin e dokumentarit. Një
dokumentar i jashtëzakonshëm me imazhe të panjohura më parë
nga arkivat e Institutit Luce dhe Arkivit të Filmit Shqiptar dhe
ndërhyrjet e Antonello Biagini, Carlo Azeglio Ciampi, Ismail Kadare, Nevila Nika, Roberto Morozzo della Rocca, Sergio Staino.
Ky dokumentar rindërton për të parën herë nëpërmjet imazheve të arkivave më të mëdha kinematografike historinë e Shqipërisë së viteve 900 dhe dyfish e lidhur me ngjarjet italiane. Ekspozita do të qëndrojë e hapur deri më datë 14 dhjetor në sallën e ekspozitave të MHK.