Në datën 9, 15 dhe 23 dhjetor, ora 10:30, në sallën "Çehov" të Teatrit të Metropolit, do të shfaqet pjesa për fëmijë "Në qytetin e kafshëve".
“Në qytetin e kafshëve” do të gjeni një botë kafshësh, me emra
njerëzish, plot lojëra fëmijësh. Është dimër, në një pyll! Aty janë ariu,
lepuri,kanguri, krokodili e tigri, etj, të personifikuar në figura njerëzore, që flasin dhe janë në moshën e adoleshencës ato quhen
Lea, Filipi, Mikeli, Roza. Përveç personazheve kryesore dhe real, në shfaqje janë edhe dy figura të animuara siç është tigri dhe krokodili,
të cilët tentojnë të luajnë rolin e tregimtarit të historisë, por asnjëherë nuk ia dalin dot dhe situatën e merr në dorë kanguri. Interpretojnë aktorët Klesta Shero, Rudi Koçibelli, Brunilda Borova si dhe Llukan Xhagjika, i cili ka shkruar edhe tekstin e pjesës.