Në hollin e Muzeut Historik Kombëtar është hapur ekspozita
“Mesjeta në Shqipëri, Komani-Lezha 2008-2012”.
Kjo ekspozitë do të qëndrojë e hapur deri më datë 15 dhjetor.
Ajo mbështetet nga Qëndra e Studimeve Albanologjike, Ambasada
e Francës në Shqipëri, Shkolla- Franceze e Romës dhe Qëndra
Kombëtare e Studimeve Shkencore si dhe Ministria e Turizmit, Kulturës, Rinisë dhe Sporteve. Që prej vitit 2008, institucionet
kërkimore franceze e shqiptare kanë bërë të mundur rifillimin e gërmimeve të programuara në të dyja sitet mesjetare të Komanit dhe të Lezhës, të shoqëruara me punime restauruese, nën drejtimin
e Etleva Nallbanit dhe Luc Buchet. Problëmatika kërkimore synon
rindërtimin e mekanizmave të formimit të shoqërive mesjetare ballkanike, mbi bazën e një entiteti gjeografik, atij të luginës së Drinit, në veri të Shqipërisë. Nëpërmjet të dhënave arkeologjike,
kërkimet përfshijnë si studimin e banesave dhe mënyrës së jetesës,
po ashtu dhe të prodhimeve lokale, shkëmbimeve dhe historinë e
popullsisë të asaj zone.