Në datat 9 dhe 10 dhjetor, në orën 19:00, festivali muzikor
“Different Trains” do të sjellë në skenat e kryeqytetit artistët e njohur
shqiptarë: Tedi Papavrami, Klajdi Sahatçi, Dorian Xhoxhi e Vlorent
Xhafaj, së bashku me instrumentistë të huaj të shquar si pianisti italian Andrea Rebaudengo, pianisti francez Francois- Frederic Guy, apo violinisti spanjoll Joaquin Riquelme Garcia.
Për herë të parë, instrumentistët shqiptarë, të cilët janë solistë në disa prej orkestrave të njohura ndërkombëtare, bëhen bashkë në Tiranë. Këta instrumentistë janë nga koncertistët më në zë dhe kanë karrierë solistike apo orkestrore në institucione të tilla si
Tonhalle Orchestra (Zyrih), Sydney Symphony, Orchestra apo Berliner
Philarmoniker. Vepra të mëdha si kuarteti n.2 Brahms, apo kuinteti op.81 Dvorzhak, do të luhen premierë në skenat shqiptare.
Të dielën, më 9 dhjetor, ora 19:00 në TKOB do të luhen pjesë nga Debussy dhe Dvorak.
Kurse të hënën, më 10 dhjetor, ora 19:00 tek Universiteti i Arteve do të luhen pjesë nga Beethoven dhe Brahms.