Edicioni i 11- të i koncertit “Tre tenorët” mbërrin më 8 dhjetor, ora 19:00, në Pallatin e Kongreseve.
Këtë vit ky koncert vjen ndryshe duke filluar që nga titulli “Tre tenorët
amerikanë” sepse për herë të parë në skenën shqiptare do të ketë emra të artistëve të njohur nga SHBA si : Mathew Edwarsen, Joseph Holmes, Eapen Leubner, i ftuar special nga komuniteti shqiptar i Bostoni vjen edhe tenori tjetër amerikan Thomas Fellon. Programi i këtij koncerti përmban vepra të njohura nga krijimtaria operistike botërore dhe shqiptare, por nuk do të mungojë dhe momenti kushtuar 100-vjetorit të Pavarësisë së Shqipërisë.
Producent i koncertit është Edmond Tullumani, drejtor artistik i koncertit
është Ibrahim Madhi, drejtor i orkestrës Isak Shehu dhe dirigjent i
Orkestrës së Re Filarmonike të Akademisë së Arteve është Bujar Llapaj.
Koncerti këtë vit zhvillohet me mbështetjen e fondacionit “Dora D’Istria” dhe Ambasadës Amerikane. Mes artistëve shqiptarë është tenori Kastriot Tusha dhe dy tenorë të rinj, Aranit Hoxha dhe Denis Skura, nuk do të mungojë dhe sopranoja Ramona Tullumani.